O MAGOSTO

POESÍAS, REFRÁNS, CANCIÓNS, ADIVIÑAS, RELACIONADAS CO OUTONO.

VEN ONDA NÓS O OUTONO
DACABALO DO AIRE;
NOS CAMIÑOS DA FRAGA
OS OURIZOS XA ABREN.
SÍNTOO CHEGAR CONTENTO
DA ETERNA VIAXE
ENREDANDO ENTRE AS FOLLAS,
ESTREANDO FRIAXE


Polo San Martiño
trompos ao camiño.
Polo San Amaro
trompos ao faiado.


ALTA ESTOU
LADRÓN VEXO VIR
DO MEU CARAPUCHO
NON PODO FUXIR.



Don carballo chora landras
na amencida.
E don Outono baballa
néboa fría.
Don Labrego, de sombreiro,
aplaude a don Castiñeiro
con variña de abelaira.
E don Ourizo da chaira,
como non se ten coa risa,
cáenlle dentes de castaña.



Chegou o tempo de Outono
Prás castañas varear¡
Chegou o tempo do sono
e a razón de sementar!



A CASTAÑA NO OURIZO
EU BEN SEI O QUE FAI:
CANDO ESTÁ VERDE ,MADURA.
CANDO ESTÁ MADURA,CAE.